KUSTOMIZATU ETA BIRZIKLATU
Jardueraren helburua ikasleak kontzientziatzea da, naturaren mugekin bateragarriak diren bizimoduak eta garapena bizitzeko beharraz, modan gaur egungo kontsumo-ohiturei buruz hausnartzeaz eta begirune hobekoak nahiz jasangarriagoak diren ordezko aukerak hautatzeko gakoak finkatzeaz. Tailerrean, ikasleek janzki bat manipulatu eta eraldatuko dute, hari beste erabilera bat emanez, balio eta bizitza erabilgarri handiagoa.
Bigarren Hezkuntzako 1. eta 2. maila
Erakusketara bisita eta tailerra
120'
MUGITUZ
Dantzaren eta gorputz-adierazpenaren bitartez, museoan ikusgai dauden artelan estatikoetara hurbiltzea proposatzen du jarduera honek. Parte hartuko duten ikasleek bi dantzari izango dituzte bidelagun, museoa mugituz bizitzeko bidaia dantzatu bakarrean.
DABekin lankidetzan eskainitako jarduera
Kontsultatu baldintzak
Bigarren Hezkuntzako 1. eta 2. mailak
Erakusketa bisitatzea eta tailerra
120'
AZALETIK BOLUMENERA
Jarduera honen helburua Cristóbal Balenciagaren sorkarietan agerikoak diren forma- eta geometria-kontzeptuak transmititzea da. Bi dimentsioko patroi baten gainean irudi geometrikoak konfiguratuz eta problema matematiko errazak ebaztean oinarritutako tratamendua eginez, ikasleek gorputzera egokitutako hiru dimentsioko piezak lortuko dituzte.
Bigarren Hezkuntzako 1. eta 2. maila
Erakusketara bisita eta tailerra.
135'
GORPUTZ JANTZIAK ETA IDENTITATEAK
Jarduera honetan, hari nagusia izango da norberaren nortasuna, gorputz jantziaren eta haren irudiaren bitartez irudikatuta. Ikasleak gogoeta egitera gonbidatuko ditugu, pertsonen irudikatze fisiko jantziaz, janzteko moduen eta moden bilakaeraz, bai eta estereotiporik gabe nork bere diseinua asmatzera ere.
Bigarren Hezkuntzako 3. eta 4. maila
Erakusketara bisita eta tailerra
120 '
Moda eta elektronika sortzailea
Modari aplikaturiko teknologiari buruzko tailer honen helburua elektronikako oinarrizko jakintzak eskaintzea da. Parte-hartzaileek zirkuitu bat eraikitzen ikasiko dute, material berriekin esperimentatuko dute eta elektronikaren diziplina ehunetan txertatzeak eskaintzen dituen sormen-aukerak arakatuko dituzte.
Bigarren Hezkuntzako 3. eta 4. maila
Erakusketara bisita eta tailerra
135 '