Jantzigintzako goi-mailako joskintzako tekniketan online ikastaroa - 2 zatia
Erdi-mailako prestakuntza hau goi-joskintzako jantzigintzako ibilbidearen barruan kokatzen da, eta maila bereko 1. ataleko ikastaroari jarraipena ematen dio.
Ikastaroaren helburua joskintzako artisau-tekniketan sakontzea da, aurreko prestakuntzan hasitako lanari jarraipena emanez. Horretarako, artilezko jaka koadrodunaren lanketan aurrera egingo da, bi ikastaroetan ardatz izango den jantzia osatzeko beharrezkoak diren eragiketak landuz. Beraz, jarraipen-ikastaroa da, aurreko prestakuntza egin duten parte-hartzaileei jantzigintza-prozesuan aurrera egiten eta jantzia osatzen laguntzeko, aldi berean, aurretik eskuratutako ezagutza eta trebetasun teknikoak sendotu eta zabaltzeko.
Sartzeko baldintza: Ikastaro hau jantzigintzako 1. ataleko online ikastaroaren jarraipen zuzena denez, aurreko ikastaroa aldez aurretik egin izana nahitaezko baldintza da izena emateko. Beraz, ez dira onartuko aurreko prestakuntza egin ez duten pertsonen eskaerak.
Irakaslea: Javier Martín
Egutegia: 2027ko otsailaren 1etik 21era. Aurreikusitako dedikazioa, 25 ordu.
Ordutegia: Parte-hartzaile bakoitzak askatasunez antolatu ahal izango du bere dedikazio-denbora eta bere ordutegia ezarri ahal izango du proposatutako ariketak egiteko, betiere modulu bakoitzerako ezarritako epeen barruan eta aurreikusitako dedikazioa kontuan hartuta.
Online tutoretza-saioak astearte eta ostegunetan izango dira, 18:00etan (gaztelaniaz) eta 19:00etan (ingelesez), 50 minutu inguruko iraupenarekin.
Ikastaroa amaitzean, otsailaren 1ean, astelehenean, azken online topaketa bat egingo da, amaitutako lanak aurkezteko eta irakaslearekin lanok bateratzeko. Saio honetarako 8 eta 10 partaide arteko talde txikiak antolatuko dira. Talde bakoitzari esleitutako ordua ikastaroa hasi ondoren jakinaraziko da.
Nori zuzendua: Aurretik jantzigintzako erdi-mailako online ikastaroko 1. atala egin duten eta prestakuntzan aurrera egin nahi duten pertsonei zuzendua, goi joskintzako tekniketan dituzten ezagutzak eta trebetasunak zabaldu eta sakontzeko helburuarekin.
Baldintzak: Nahitaezkoa da aurretik jantzigintzako erdi-mailako online ikastaroko 1. atala egin izana, prestakuntza honek ikastaro horretan landutako ezagutzei eta teknikei jarraipena ematen baitie.
Izen-ematea: Izena emateko epea zabalik egongo da azaroaren 16tik 30era, biak barne, 14:00ak arte (Espainiako penintsulako ordua). Interesdunek online izena emateko inprimakia bete eta honako dokumentazio hau erantsi beharko dute:
• Curriculum vitaea, modaren arloko prestakuntza eta esperientzia zehazten dituena.
• Motibazio-gutuna. Bertan, jarduerarekiko interesaren arrazoiak eta hautagaiak edukiekin duen lotura azalduko dira.
Eskatutako dokumentazio guztia ez duten eskabideak edo ezarritako epetik kanpo jasotzen direnak hautaketa-prozesutik kanpo geratuko dira.
Parte-hartzaile kopurua: Ikastaroak gehienez 30 plaza izango ditu. Hautaketa aurkeztutako dokumentazioaren baloraziotik abiatuta egingo da, eta esleitutako plazen jakinarazpena abenduaren 1etik aurrera egingo da.
Hizkuntza: Ikastaroko ikus-entzunezko materialak gaztelaniaz eta ingelesez daude eskuragarri. Tutoretza-saioak, bestalde, bi taldetan antolatzen dira, bata gaztelaniaz eta bestea ingelesez.
Prezioa. 340 euro.
Adierazitako zenbatekoa Cristóbal Balenciaga Fundazioak jaso beharko duen zenbateko garbiari dagokio. Beraz, matrikularen ordainketaren ondoriozko edozein gastu edo banku-komisio parte-hartzailearen kontura izango da.
Museoaren Lagunei aplika dakiekeen deskontua matrikula egiteko unean gutxienez bi urteko antzinatasuna egiaztatzen dutenentzat izango da.
Materialak eta bidalketak: Matrikularen prezioan ariketak egiteko behar diren materialak sartzen dira, baita penintsulara bidaltzeko behar direnak ere. Museoak material sorta bat prestatuko du parte-hartzaile bakoitzarentzat, artilezko ehuna, artehuna, xingola eta laneko patroia barne. Paketea adierazitako posta-helbidera bidaliko da prestakuntza hasi aurretik.
Penintsulatik kanpo bizi diren parte-hartzaileek, matrikularen zenbatekoaz gain, dagozkien bidalketa-gastuak ordaindu beharko dituzte, helbidearen arabera:
• Balearrak: 18,00 €
• Kanariak: 30,00 €
Europar Batasuneko beste herrialde batzuetan edo Europar Batasunetik kanpo bizi diren pertsonen kasuan, Museoak ez ditu materialak bidaliko. Horren ordez, parte-hartzaile bakoitzak bere herrialdean eskuratu ahal izateko beharrezkoak diren argibide eta zehaztapen teknikoak emango ditu. Kasu horietan, matrikularen zenbatekoa 320€-koa izango da, eta ez ditu barne hartuko hornidura eta materialen bidalketa.
Plaza mugatuak. Izena ematea beharrezkoa da.
Parte-hartzaileen gutxieneko kopururik lortzen ez bada, jarduera bertan behera gelditzen dela jakinaraziko zaie interesdun guztiei, eta matrikularen zenbatekoa itzuliko da, hala dagokion kasuetan.
Amaitzean, jardueran parte hartu izanaren egiaztagiria emango da.
Harremanetarako: Tel. 943 00 47 77 / @. info@fbalenciaga.com
Izena eman
Izena emateko formularioa
Jarduera honetan parte hartzeko, bete ezazu formulario hau.