Jantzigintzako goi-mailako joskintzako tekniketan online ikastaroa

Online ikastaro hau, zuzeneko tutoretzekin, jantzigintzako ibilbideko ikastaro-programazioaren parte da, eta proposatutako planaren zati gisa edo jarduera independente gisa egin daiteke. Balenciaga Etxeko jantzigintzako tailerretan erabilitako metodo zehatzetara hurbilketa proposatzen du eta, konkretuki, papar-hegala duen artilezko jaka koadrodun baten elementu jakin batzuk egitea du ardatz.

 

IRAKASLEA: JAVIER MARTÍN

DATU PRAKTIKOAK ETA IZEN-EMATEAK

Egutegia: 2026ko urtarrilaren 12tik otsailaren 1era. Aurreikusitako dedikazioa, 25 ordu.

Ordutegia: Parte-hartzaile bakoitzak aukera izango du jarduerari eskaini beharreko denboraren estimazioaren arabera antolatzeko ordutegia, betiere, modulu bakoitzerako finkatutako daten barruan. Tutoretzako saioak, bestalde, astearte eta ostegunetan izango dira, 18:00etan (gaztelaniaz) eta 19:00etan (ingelesez), eta 50 minutu inguruko iraupena izango dute. 

Nori zuzenduta: Moda diseinuko, patroigintzako edo/eta joskintzako ikasle edo tituludunak, eta jantzigintzako goi-mailako joskintzako tekniketan trebatzeko interesa duen edonor. Bereziki, Museoak antolatutako jantzigintzako goi-mailako joskintzako tekniketan hastapen-ikastaroa aurretik burutu duten eta horietan sakontzen jarraitu nahi duten pertsonentzat.

Baldintzak: Interesdunek joskintzako tekniken ezagutza eduki eta egiaztatu behar dute, eta gai izan behar dute jantzi bat mozteko, albaintzeko eta josteko. Deialdian parte hartzeko ezinbesteko baldintza ez den arren, ibilbide honen hastapen-mailako ikastaroa bete izana baietsiko da.

Izen-ematea: Izena emateko epea zabalik izango da ikastaroa argitaratzen den egunetik abenduaren 15era (egun hori barne, 14:00ak arte), eta izena emateko online formularioa bete behar dute interesdunek. Curriculum vitaea aurkeztu behar da, modaren esparruko prestakuntzaren eta esperientziaren berri emanez, baita interesdunaren motibazioari buruzko gutun bat ere, aditzera emanez jardueran parte hartzeko duen interesa eta haren edukiarekiko duen lotura. Osorik aurkezten ez diren eta epez kanpo aurkezten diren eskariak ez dira kontuan hartuko.

Parte-hartzaileen kopurua: 30 lagunek parte hartu ahal izango dute jardueran, gehienez. Parte-hartzaileak aukeratzeko, eskatutako dokumentazioa hartuko da oinarri, eta abenduaren 18tik aurrera jakinaraziko da plazen esleipena.

Hizkuntza: Ikus-entzunezkoak gaztelaniaz daude. Eta tutoretzak bi talde eta hizkuntza desberdinetan egingo dira, gaztelaniaz eta ingelesez.

Prezioa. 340 euro.

Prezioak materialak eta hauek penintsulara bidaltzea barne hartzen ditu, ariketak egiteko ezinbestekoak. Beharrezkoen sorta bat prestatuko du Museoak parte-hartzaile bakoitzarentzat, artilezko ehunarekin eta artehunarekin, barne dela patroia ere; material sorta hori adierazitako helbidera igorriko zaie parte-hartzaileei, prestakuntza hasiera data baino lehen.

Penintsulatik kanpo bizi diren parte-hartzaileek, matrikulaz gain, bidalketaren kostua ere beren gain hartu beharko dute, destinoaren arabera. Hona hemen kostu osagarri horiek:

Balearrak 18,00 euro
Kanariak 30,00 euro

Zerrendatik kanpo EBko eremuetan bizi diren parte-hartzaileek, eta, era berean, EBtik kanpo bizi diren pertsonek, Museoak irizpideak eta betekizunak emango dizkie beren herrialdeetan beharrezko generoa eskuratu ahal izateko, eta, kasu horretan, matrikularen kostua 320 eurokoa izango da.

Bestalde, parte-hartzaileek josteko oinarrizko lanabesak eduki beharko dituzte (jostorratzak, orratz burudunak, zinta metrikoa, marka-harria, etab.), baita eskuadra, josteko makina, lisaburdina, lisatzeko zapia, lisatzeko kuxina, eta manikia ere, eta ordenagailua edo/eta Tableta, eta Interneteko konexioa, ikus-entzunezkoak ikusteko eta online tutoretzak egiteko.

** "Cristobal Balenciaga Fundazioak jaso beharreko matrikularen prezio garbia lehen aipatutakoa da, eta, beraz, bankuko gastu guztiak parte-hartzailearen kontura dira.

** "Museoaren lagunei" legokiekeen deskontua matrikula egiten den unean gutxienez 2 urteko antzinatasuna duten lagunetara mugatzen da.

PLAZA MUGATUAK. IZENA EMATEA BEHARREZKOA DA.

Parte-hartzaileen gutxieneko kopururik lortzen ez bada, jarduera bertan behera gelditzen dela jakinaraziko zaie interesdun guztiei, eta matrikularen zenbatekoa itzuliko da, hala dagokion kasuetan.

Amaitzean, jardueran parte hartu izanaren egiaztagiria emango da.

Harremanetarako: Tel. 943 00 47 77 / @. info@fbalenciaga.com

 

PROGRAMA